Shillong,rymphang ,19:Ka common platform kaba la long mynta ka sngi ha madan heh Mawlai Phud Mawri na ka bynta ki saw ngut ki candidate MDC kiba ia khun ha kane ka kynti kaba mynta na Mawlai konstitwensi, ka la kylla long ka madan ia kawang ktieh ha ka jaka ba kin ia kren paidbha bad pyni iala ki jong ki nongrim kaba ki don
Kine ki saw ngut ki kyrtong ha ka jingkren ka jong ki kim shym la batai ia kaei kaba ki kwah ban leh lada ki jop kum ki MDC, hynrei kila ia pynpaw ia la ka jong ka jingkwah ka jong ki bad ia kawang ktih mar kylliang.
Ha ka jingkren jong u bah Process T Sawkmie kyrtong ka KHNAM u ba deu ruh u MLA barim jong ka Mawlai u la ong ba ka por ka la dei ban pynkhlain shuh shuh ia ka District Councucil bad ka long kaba don kam na ka bynta ban pyntrei kam ia ka ILP ban iada na ka jingwan kyrthep ki bar jylla.
U Bah Teibor Pathaw kyrtong ka Congress ha ka jingkren ka jong u ha ka jaka ba yn kren ia kaei kaba u dei ban leh lada ki paidbah ka Mawlai kin pynjop ia u kum u MDC, hynrei u la kynthoh pynban pyrshah ia u MLA barim ka Mawlai u bah Sawkmie wat ka kam shimet jong u ha kaba ia dei bad ka kam aiwai iing.
Na ka liang jong u kyrtong ka HSPDP u bah Panbor Ryntathiang u la pynsngew ia la ka jong ka jingsngewthuh jong u ha kaba ia dei bad ka sain hima sima ba ka dei ban long kaba khuid ba suba bad ban pynshai sha ki paidbah ia ka jingshisha.
U bah G.Kharmujai u kyrtong na ka seng UDP u la ioh ban kren ha ka pali kaba khad duh ha kane ka dorbar u la ong baa k kam ban long kum ki nong mih khmat shaki paidbah la ka long ha Assembly ne ha District Council ki dei ban long ki briew kiba hap ban pyrkhad bha.
La kumno kumno ki dei ruh ban long ki briew kiba khraw ka pyrkhad ka pyrdain ki ba iar ka jingmut jingpyrkhad ha baroh ki liang,bad ban long kum u nongmih khmat hapoh distirci council ym ba ngin lah ban shna bad pynmih ia ki skhim hynrei ban thaw ki lad ki lynti kumno ban iada kham tam eh ia ka jaitbynriew bad bad nang pynkhlain ia kirukom shynshar hima,shnong bad raid.
Ka seng UDP khamtam eh ha kane ka Mawlai konstitwensi mynta ka wan ha ka bor namar ba u nongmih khmat na kane ka konstitwensi u bah Embhah syiem u dei na ka seng UDP kumta lada u MDC bad MLA ki dei na ka juh ka seng ka kham iarap shuh shuh la ong u bah Gerbasis(SP News
