Tura Iaiong 14: Ha ka jingiasait hapdeng ki pulit bad ki lehnoh GNLA kaba la jia ha ka shnong Koksi ha East Garo Hills ar ngut ki dkhot jong ka seng GNLA ki la kyllon iap ha shen bad ki la don kiwei pat kiba la mynsaw la kam ki pulit jong ka jylla Meghalaya.
Kine ki ar ngut kiba la shah siat iap na ka liang jong ki pulit kim pat tip bha ia ka kyrteng jong ki hynrei la ong ba u wei u dei u Nangrepa bad u wei pat u dei u Imre . Kipulit ki ong ba u C-In-C jong ka GNLA u Sohan D Shira ruh u don lang ha kane ka jingiasiat hynrei u la ioh ban phet.
Kane ka dei ka jingjop kaba khraw na ka bynta jong ki pulit namar ba ki la ioh ban poi ha ka ktem jong kane ka kynhun lehnoh GNLA ha kaba ki la ioh ban kurup shibun ki tiar siat na kane ka ktem jong ki.(SP News)
