Tura, Jymmang 20: Ki pulit jong ka jylla Meghalaya mynta ka sngi kila ioh ban siat iap san ngut ki dkhot jong ka seng lehnoh United A’chik Liberation Army (UALA) ha Chiokgre, ha jan Williamnagar ha East Garo Hills.
Kane ka jingkhun hapdeng ki pulit bad ki lehnoh kala sdang naduh ka por mynmiet bad la lah ban pyndem ia kine ki lehnoh haduh ka por mynstep mynta ka sngi kane ka jingiasait kala neh kumba 15 minit ei ei.
U nongialam kane ka seng u Comander-in-chief, U Norok X. Momin u ba don ha kane ka jaka u la laitphet na kane ka jaka lem bad kiwei ki hynriew ngut.
U SP jong ka East Garo Hills Davis Marak u la ong ba kila leit bankhynra ia kane ka jaka ha dien ba ki la ioh ia ka jingtip kaba thikna ba u nongialam kane ka seng lehnoh u don ha katei ka jaka. Ha kane ka jingiasiat san ngut kila kyllon iap ki lehnoh.
Kine kiba la shah siat iap la tip kum u Sengnam N. Marak, Kalam R. Marak, corporal commander, Gikdik Momin bad Bhatnagar R. Marak.
Ki pulit kilap na ka ID ba kane ka kynhun ka dei ka seng ka ba mih na ka ANVC(B) bad ka thong ka jong ki ka long ban ioh ia la ka jong ka jylla Garo. Ki pulit ki kwah ban kem ia u Chairman jong ka UALA u, Chiindik Marak ha bun ki kam sniew kiba u la leh kum ka jingpyniap ia ki briew jong ka tand phatok ha Williamnagar ha East Garo Hills.(SP News)
