Shillong, Naiwieng 21: Mynta ka sngi ka la don ka jingiasait matkylliang hapdeng ki pulit bad ki dkhot jong ka seng lehnoh GNLA ha West Garo Hills ha Garobada ha kane ka jingiasait kaba mar kylliang u wei u dkhot jong ka seng GNLA u la kyllon iap ha shen.
Na ka liang jong ki pulit ki iathuh ba une u ba shah siat iap ha ki pulit la tip kyrteng kum u Indian. A. Sangma bad dang 23 snem ka rta. Kane ka jingiasait ka long hapdeng ki lehnoh bad na ka liang jong ki pulit palat la don lang ki SOT, SWAT jong ka West Garo Hills.
Kane ka jingleit sha katei ka ktem jong ki lehnoh GNLA ha Garobada ka dei halor ka jingialam lynti jong u Jackuis A Sangma uba dang 20 snem ka rat u ba la shah kem ha ki pulit, kane ka jingiather kuli kala long ha ka shnong Sonabil kaba don ha jan Garobadha.
Ha kane ka jingiasait ki pulit ki la ioh ban kurup bun ki tair ialeh na katei ka jaka bad ka jingkhynra ha kane ka thian ka dang iaid ong ki pulit.
Ha kawei pat ka jingjia la ong ba ka la don ka jingiasait hapdeng ki pulit bad ki lehnoh ha South Garo Hills ha Nangalbira, kane ka jingkhynra ha katei ka jaka ka dang iaid kat haduh ba thoh ia kane ka khubor.(SP News)
