Shillong, Naitung 29: Ka Khasi Student Union, (KSU) ka Federation of Khasi Jiantia and Garo People (FKJGP) ryngkat bad ka synjuk ki rangbah Shong ki la leit ban ia kynduh u myntri ba dei peit ia ka khyndew ka shyiap u Dr R C Laloo ban ong ia ka sorkar ba ka dei ban shimti noh ia ka Luckiar Road kaba don kumba lai akar ka jaka ba na ka bynta ka jingdon jong ki ki paidbah.
Ha ka jingthoh kaba ki la ai sha u myntri ki la ong ba ka tnad shipai ka la ai kane ka jaka sha ka sorkar jylla ha u snem 2000 ha kaba por ba u Bah EK Mawlong bam kwai ha dwar u blei u la sdang ban leh ia kaba don kam hyrei ka sorkar jong u ka khyllem noh bad naduh katei ka por ka sorkar ka la shu sngap ia kane ka jaka.
U general Secretary jong ka seng FKJGP u Bah Wilbert Rani u la ong ba ki bor shipai ki la dep ban ai ia kane ka jaka ha u snem 2000 sha ka sorkar, hynrei yms hym lah ban shim ia ka namar ka jingawai ha u J N Bawari bam kwai ha dwar u blei ka dang kut ha u snem 2005 bad naduh kane ka snem ka Cantonment board kam shym la pynthymmai shuh ia kane ka jingaiwai.
Kaei kaba la pynlyngoh ia kine ki seng bhalang ka long ba ka sorkar kamdon kot don sla ei ei ha kaba ia dei bad kane ka jaka . Na ka liang jong ki tei ki khynhun kiba la leit ban ia kynduh mynta ka sngi ki la kyntu ia ka sorkar ba ka dei ban shimti noh ia katei ka jaka na ka bynta ka jingmyntoi jong ki paidbah.(SP News)
