Shillong, Dec 26: Ka Shillong Lajong Football Club kala shim bun ki lad ki lynti kumno ban kyntiew ia ka jingialehkai kynjat boll ha kane ka jylla Meghalaya bad ha ka pyrthei kumno ban poi sha ki riew ieit ia kane ka jingialehkai. Na ka liang jong ka club ka la buh ia kane ka kynhun ha ka Face Book na ka bynta ki briew ban peit.
Ha dien ba ka club ka la jop pyrshah ia ka Dempo SC 2-1 ha ka 21 tarik mynta u bnai kane ka kynhun ialehkai na North East mynta ka la palat ia ka shilak ngut kiba sngewtynnad ia kane ka kynhun. Ka club ka la buh hapoh ka Face Book ha u snem 2009 hynrei kiba sngewtynad ia ka ki nong tang hapoh ka 1000 ngut bad ha kine ki saw snem kiba sngewtynnad ia ka ki la kiew palat ia ka saw shah.
Kumba ka long mynta ka Shillong Lajong Football Club Page kala long kawei na ki kynhun ialehkai kaba khraw ha kanw ka RI India bad kum juh na North East, ka wan ha dien jong ka kynhun ia lehkai na Kolkatta bad ka Kingfisher bad ka East Bengal bad ha Muhan Began.
Ban kyntiew shuh shuh ia kane ka jingialehkai na ka liang jong ka Club kan kyntiew ia ka lyngba jong ka Mobile App kane kan ailad ia ki briew ba ki lah ban shim ei ia kine ki jingialehkai bad ka sur jong ka bad kane kan wanrah ia ka jingieit shuh shuh na ka liang jong ki paidbah ia kane ka club.
Kum shi bynta na kane ka jingialeh kumno ban kynitew ia kane ka kynhun ialehkai ka club kala ia the kular bad ka Lecherita’s, ka kynhun nongrwai ba paw na Spain kaba dei ka kynhun ongrwai jong ki kynthei bad kin rwai ia ka jingrwai ia kaba la tip kum ka ‘Take me to Marbella’. Ia kane ka jingrwai lah ban ioh na ka youtube bad tang ha kine ki lai sngi kiba peit ia ka ki la kot sha ka 55000 ngut,(SP News)
