Shillong,Nohprah 16: U Lieutenant General RS Panwar, Sena Med
al, Vishisht Seva Medal, GOC 101 Area lem bad kiwei ki ophisar jong ka tand shipai mynta ka sngi ki la pynlong ia ka jingkynmaw burom ia ki shipai kiba la aiti ia la ka jong ka Ri ha ka thma Paksitan ha u snem 1971 bad ia kane ka sngi la kynmaw kyrpang kum ka “Vijay Diwas”.
Ia kane ka sngi la kynmaw burom da ki shipai man u snem ha ka 16 tarik Nohprah, kane ka sngi ka dei ka sngi sah kynmaw ha kaba ki shipai jong ka Ri India ki la jop pyrshah ia ki shipai jong ka ri Pakistan bad dei ha kane ka sngi ba la mih ka Ri Bangladeh.
Ha kane ka sngi la pynkha ia ka Ri Bangladesh, na ka liang jong u Lieutenant General R S Panwar, General officer in Command 101 Area u la ialam da kaba buh syntiew ha u mot sah kynmaw u ba don ha Rihno Point.
Kane ka sngi ka dei ka sngi kaba kyrpang ia ki shipai jong ka Ri India namar dei ha kane ka sngi ba ka Ri India ka la jop pyrshah ia ka Pakistan bad da kane ka jingjop la pynkha ia ka Ri Bangladesh kaba mynta. Na ka liang jong ki shipai ki kynmaw burom ia kito ki shipai kiba la aiti ia la ka jong ka jingim na ka bynta ka Ri.
Dei ha kum kane ka sngi ba 90,000 ngut ki shipai jong ka Ri Pakistan kila pyndem ha ki shipai jong ka Ri India bad da kane la lah ban thaw ia kane ka Ri Bangladesh kaba mynta.(SP News)
