Shillong, Jylliew 16: Ka seng samla jong ka BJP, Meghalaya Unit kala kynnoh ba u MP jong ka seng Congress na Shillong u la kynmaw ia ka NEIGHRIMS bad ia ki programs ha ka Dordarshan ynda u la shong ha ka liang pyrshah da kaba leit ban ia kynduh ia u myntri ka tand ka koit ka khiah bad ia u myntri ka tand pathai khubor jong ka sorkar pdeng.
Ka seng BJYM ka pdiang sngewbha ia kane ka jingleh jong u MP na kane ka Shillong Seat hynrei ka jingkylli ka long ba ha ka sorkar UPA II kaba u long myntri u la leh aiu ba u sa kynmaw mynta lakylli kane ka seng samla jong ka BJP.
Ka seng BJP kala ong ba kane ka jingleh jong u MP na kane ka jaka ka pynishai kdar kala pynpaw ia ka jingbym lah ka jong u ha ka por ba u dang don ha ka sorkar, la ong u Bah Mr. Egenstar Kurkalang president jong ka BJYM, Meghalaya state Unit.(SP News)
