Shillong Naiwieng 29:ka Hynniewtrep Archery Bookies Social and Cultural Association (HABSCA)
Hynniewtrep Archery Bookies Social and Cultural Association (HABSCA) mynta ka sngi haba kren ha ki nongthoh khubor u Secretary ka seng u Bah Dennis Lyngdoh u la kynnoh ba ka don bun ki kynrum kynram ha ka jingsiat tim namar ki stewards ki ialeh making da kaba shah pynngop ha ki heh spah.
U Bah Lyngdoh secretary jong ka seng u la ong ba kim sngewhun ia kane ka jingleh jong ki stewards namar kane ka ktah ia ka kamai jong ki bad kim lah ban pdiang ia kane ka jingleh namar ka pynthud ia ka kam kaba ki trei.
La ong ba haduh mynta ki don haduh 2635 tylli ki license thoh tim na kine ki don haduh 208 tylli kiba la ioh ia ka jingbit na ki dorbar shnong. Na ka liang jong u Bah Lyngdoh u la ong ba kane baroh ka jia namar ba ka sorkar kam the ban peit ia kane ka kam.
Kum ka seng kan sa leit ban ia kynduh ia u Deputy Commissioner jong ka East Khasi Hills ban ia kren pynbeit ia kane ka kam u la ong.(SP News)
