Boko, Nailur 26: ka jingkynnoh bamsap hapoh ka tnad rep jong ka sorkar Meghalaya ka la sdang ban paw pyrthei ha din ki nongrep jong ka thain Boko kaba hap ha Garo Hills ki la lap ia ka buit poh jong u Branch manager jong ka bank SBI kaba don ha Luki ha Boko.
Katba ka Ri India baroh kawei ka dang shad kmen namar ka rep ka riang ka la sdang ban kiew ha kane ka Ri hynrei ha kane ka thain pat ka long da khongpong . Haba dei bad kane ka jingkynnoh bamsap na ka liang u president jong ka seng ki nongrep ia kaba la tip kum ka Farmer’s Association ka la ai da ka ejahar pyrshah ia u Hiren Nath, ia kane ka jingujor la soi da u Denilson D Sangma.
Na ka liang jong u Sangma u la ong ba ia kane ka kam buit tuh jong u tei u Baranch Manager ia ki nongrep katei ka thain la buhrieh la kham slem da kaba u kyllain da kumne da kumtai haba ki wad jingtip.
Na ka liang jong u Sangma u la ong ba ki tip ia kaei kaba jia sawdong jong ki hynrei kam shym poi pyrkhat ba kan long haduh katne ka jingialeh klop ha ka kyrteng jong ki nongrep. Na ka liang jong ki nongrep kim lah ban pdiang ia kano kano ka jingtyrwa hynrei ki kwah ia ka roi ka par.
Kane ka pisa kaba la kynnoh bamsap ka dei na ka skhim KCC kaba dei ka shim na ka bynta jong ki nongrep kaba la ai lyngba ka tnad ka rep ka riang jong ka sorkar na ka bynta ki paidbah nongshong shnong ha kane ka jylla bad kumjuh ha katei ka thain .
U Sangma u la iathuh ba ha katei ka thain ki don haduh 22 tylli ki shnong bad na kawei ka shnong la jied 26 iing ba kin ioh ia katei ka ram rep kaba shongdor T.36000/- tyngka hynrei kaba sngewlyngoh ka long ba la ai pat tang T.25000/- na ka bynta u wei u nongrep. La kynnoh ba u tei u branch manger wat ia ka pass book ruh ym shym la ai ha ki trai kiba shim ram.(SP News)
