Shillong, Nohprah 17: Ka seng lehnoh ANVC (B) kala kynnoh ba kane ka sorkar kaba mynta kala don ka jingthmu ban pynkut noh ia kane ka kynhun shuwa ka election khnang ba lada ka congress ka wan ha ka bor.
Ha ka kyrwoh kaba la phah da katei ka seng mynta ka sngi la ong ba ka jingthwet jong ki pulit ia ki nongialam jong ka seng ka long kaba shai kdar bad ka jingkem ia ki dkhot jong ka seng ka long kaba la shai kdar bad ka jingkem ia Tengseng T Sangma na Gasuapara.
Ka seng ANVC(B) kala pynpaw ia ka jingsngewbitar ka jong ka ia ka rukom trei kam jong u myntri rangbah, ha kaba kala kynnoh ba u myntri rangbah u la shet shukor ia ka seng na ka bynta ka jingmyntoi jong u ha ka sain pyrthei.
Ka seng ANVC(B) ka ong ba ka sorkar ka dei ban pynsted ia ka jingiakren ia suk lane ka seng kan mih noh ia ka jingiakren ia suk , “ u Dr Mukul Sangma u dei ban kynmaw ba ki la leh na ka bynta jong u hynrei mynta ki kylla sohpdung”.
Ka jingkem jong ki pulit ia u Tengsak ka long ha ka por ba u leit ban leit jngoh ia kiba ha iing ha kane ka Khristmas, ka jingong ba lap shithi dawa pisa na u tei u dkhot jong ka seng ka long ka jingthaw nia jong ki pulit.
Ka seng ANVC(B) ka la maham ba ka sorkar, ki pulit bad ka seng ANVC kimd ei ban thwet ia ki dkhot jong ka seng lada kane kan dang iai bteng kan nang pynsniew shuh shuh ia ka shong suk ha Ri Lum Garo, ong ka kyrwoh jong ka seng ANVC(B).(SP News)
