Tura, Risaw 11: Ka seng FKJGP jong ka Garo Hills ka la ong ba ka surok AMPT ka dei kawei na ki surok ba la rim tam ha kane ka jylla Meghalaya kaba hap hapoh jong ka West Garo Hills. Kumba ka long mynta kane ka surok ka long kaba sniew sha ba palat bad mynta na ka liang jong ka PWD ka la mang pisa T.100 klur ban shna ia kane ka surok la ong ka seng FKJGP.
Kane ka seng FKJGP ka la sngewthuh ba kane ka surok kan long kum ka National Hight Way, hynrei na ka liang jong ka seng ka suba jur ba ka jingtrei ia kane ka surok la pyndon don kam da ki mar kiba tador ym katkum ka jingbuh kyndon. Kane ka surok kaba 78 km kan nym neh wat tang lai bnai ruh ka ong ka FKJGP.
U Bappun Sangma, u wei na ki nongialam jong ka seng FKJGP u la ong ba kum ka seng ka la dep ai da ka jingthoh sha u Deputy Commissioner ban ujor ia kane ka jingtrei torti ia kane ka jingthoh la dep ai ha ka 21 tarik jong u Nailur ba la dep da u president jong ka seng u Treepon Sangma. (SP News)
