Shillong, Feb 01: Ka seng samla pule ka North East Students’ Organisation (NESO) ka pynrem jur ia ka jingshah pyniap jong u samla pule ka jylla Arunachal Pradesh ha ka nongbah Delhi u Nido Taniam, ha ka por mynsngi mynshai hapdeng ki paidbah ha kaba ki pulit ruh ki don lang.
Na ka liang jong ka NESO kala shim khia ia kane ka jing jia bad ka jingbym treh ki pulit jong ka Lajpat Nagar police station’s ban register mukotduma pyrshah ia u Farhan, 25, u ba dei u trai dukan bad ia u para jong u Akram, 23, kiba la ialam ban tided ia u tei u samla pule haduh ba un da duh ei ia la ka jong ka jingim.
Kane ka jingleh kam dei ka jingjia kaba nyngkong hynrei ka don kaei kaei kaba sha lyndet namar u Nido u dei u samla pule na North East. Kane ka jingleh ka long ba ki briew na ka dew bah jong ka Ri India kim kwah ia ka jingiatylli bad kib riew ka dong shatei lam mih ngi jong ka Ri India.
Kaba la pynkyndit eh ka long ba ki pulit jong ka tei ka nongbah kim treh ban register mukotduma bad kuma ka long mynta ka sorkar pdeng bad ka sorkar Aam Aadmi Party ruh kam shym lah ban ai ka jingiada kumba la angnud da ki paidbah jong kane ka thain shatei lam mih ngi jong ka Ri India.
Na ka liang jong ka NESO ka dawa na ka u myntri rangbahduh jong ka Ri u myntri kam poh iing jong ka Ri bad na u myntri rangbah ka Delhi ba kid ei ban ai ka jingiada ia ki briew jong ka North East kiba don ha katei ka jaka. Ia ki nongleh kam sniew dei ban pynshitom tyngeh.
Ka jingleh mei nah jong ka sorkar pdeng ia ki paidbah ka dong shatei lam mih ngi jong ka Ri India kala wanrah ia shibun ki jigneh bad kane ka jingwanrah ia ka jingiasngewpher jaid bynriew ka paw shai kdar na ka jingleh jong ki pyrshah ia ki briew jong kane ka thain.(SP News)
