Shillong, Nailur 05: U president jong ka BJP u bah Khlur Singh Lyngdoh u la pynpaw bad kynnoh ba u Dr Mukul Sangma myntri rangbah ka jylla Meghalaya u la khot ia ka jingialang jong ki seng sain pyrthei halor ka phang Inner Line Permit tang ban pyndep rukom namar ki seng bhalang ki pynlong ia ka jingiakhih ka jong ki.
U Bah Lyngdoh u la ong ba ha kum kine ki jingialang haba ki seng sain pyrthei ki ai jingmud na ka liang jong u myntri rangbah ym juh shim khia bad ia kane ka jingleh jong u myntri rangbah ka la paw na ka jingjia ha Langpih bad ki jingiakren baroh ki long lehnoh ei.
Kaei kaba ka BJP ka sngewkhia jur bad ka jingwan tuid jong ki briew na Bangladesh sha kane ka Ri India, ha kaba ka sorkar MUA ne ka sorkar UPA kam shym la leh ei ei ban khanglad ia kane la kynnoh u tei u heh ka BJP ba du la ai nuksa peit ia jylla Assam. Haba ka BJP ka kren ia kine ka Congress ka kynnoh ba ka BJP ka long ka seng pyrshah niam.
Ka BJP ka pyrshah ia ka jingiasoi soskular hapdeng ka Ri India bad ka Bangladesh ha kaba u myntri rangbah ka jylla u Dr Mukul Sangma u pdiang ia kane ka jingiateh kular. Ia kane ka bynta la dei ban ia kren shuwa ba dki trai jaka kiba don ha khappud bad ka Bangladesh hynrei kim shym la leh ia kata ki la iaid lait.(SP News)
