Tura, Kyllalyngkot 12: Ka seng lehnoh ANVC (B) kaba don mynta ha ka jingsangeh is sait bad ka sorkar kala ong ba kam don bynta ei ei ruh em ha kaba ia dei bad ka jingbthei bom ha Tura ha ka sngi saitjain, kane ka long katkum ka khubor kaba la phah lyngba ka email na katei ka seng.
Na ka liang jong ka ANVC(B) kala kynnoh kylla ia ki pulit jong ka jylla bad khamtam eh kala kdew kti ia u SP jong ka Tura u ba Mukesh Kumar Singh bad ki la ong ba une u heh u pulit u lah ban leh bun ki kam beain ban pynthoh bria ia ka seng.
U nongialam katei ka seng u Doang D Shira u la ong ba bun ki dkhot jong kaseng kila shah pyniap da kaba kynnoh ba ka don ka jingiasiat la ong ba u wei na ki dkhot jong ka seng u la lait um ha dien ba u la mynsaw na ka jingshah siat kuli.
La ong ba ha ka jaka sah jong ki kim don kano kano ka tair ialeh bad ki pulit ki lap ia kata ka jingshisha baroh, la ong ba kane ka jingleh ka dei ka buit jong ki pulit bad ka don ka jingsuba ba la leh ia kane ka kam da ki dkhot jong ka ANVC da ka jingiatrei lang bad ki pulit la kynnoh kylla ka ANVC(B).(SP News)
