Tura, Rymphang 17: Ka seng lehnoh kaba dang shumih thymmai mynta ha Garo Hills ia kaba la tip kum ka Achik Songna Anpachakgipa Kotok (ASAK), ha ka jingpynlait khubor jong ka mynta ka sngi kala kyntait ia ka jingkynnoh jong ka seng lehnoh GNLA pyrshah ia ki.
U Deputy commander jong ka ASAK, Chue Dilsrang u la ong ba ka jingkynnoh ka seng “GNLA’s pyrshah ia u Reding T Sangma ka long ka bym don nongrim hangno hangno ruh. Ka jingong ba u Reding u la seng ia ka seng lehnoh thymmai ha dien ba u la rah ia ka pisa T.70 lak ka long kaba bakla.
Kane ka jingkynnoh mar kylliang hapdeng kitei ki seng lehnoh na Garo Hills ka long ba ka ASAK ka ong ba k u Sohan D Shira u la khanglad ia u Reding ban trei ia ka kam kaba la bynshet ha u, la ong u Chue.
La kynnoh kylla ba dei u Sohan ba la pyniaid ia ki kam pisa jong ka seng GNLA um dei u Reding bad ha kaba khatduh u reding u la shah beh na ka seng GNLA.(SP News)
