Shillong, Jymmang 12: U Rangbah shnong jong ka shnong Dawki u Bah M Ryngksai u la ong ba kum ka shnong kan nym pdiang ia kane ka skhim MHIS jong ka sorkar Meghalaya namar ha Dawki ka don ka dorbar shnong ym ka Panchayat kumba la thoh ha ki kot kaba ki la sam.
Kane ka jingthoh panchayat kam dei tang ha ka shnong Dawki hynrei ha baroh kawei jong ka Amlarem Civil Sub Division. Ki kot ki sla kiba la sam ruh kim shym don ki jingsoi na ki bor sorkar mano ban la leh ia kane ka kylli u bah Ryngksai.
Naka liang jong ka shnong Dawki ka kwah ban kylli ia ka sorkar naduh mynta la don ka Panchayat ha kane ka jylla Meghalaya, kaei kaba ki tip haduh mynta ka jylla Meghalaya ka don ia ki dorbar shnong bad ki Rangbah Shnong.
Kane ka jingthoh Panchayat ka dei ka buit poh jongre re jong no bad ban pynbiej ia ki paidbah da ka skhim kaba T.1,60000 tyngka ban sumar ia ki paidbah ha ka pang ka shitom. Ka jingpyrshah ka long ia ka jingleh un ia kshim.
Na ka liang jong u SDO jong ka Amlarem haba kren ha u SP News Agency u la ong ba haduh mynta kam don kata ka Panchayat hapoh ka Amlarem Civil Sub Division, na ka liang jong u haduh mynta ki ithuh ia ki dorbar shnong.(SP News Agency)
