Shillong, Naiwieng 30: Ka seng ki rangbah Shnong ia kaba la tip kum ka Synjuk jong ki Rangbah shnong ka sor Shillong bad Khapsor ha ka jingialang ka jong ki kaba la long mynta ka sngi ha iing dorbar jong ka Jaiawlum pylon ki la shim ia ka rai ban kyntait ia katei ka bill jong ka sorkar.
Ha dien ka jingiamir jingmud kaba la neh slem bha, na ka liang jong ki rangbah shnong ki lap ba kane ka Bill ka dei kaba yn nym lah ban pdiang namar kam don jingiadei ei ei ruh em ban teh la kam ia ka jingwan rung tuh jong ki mynder ri sha kane ka jylla.
Kawei pat ka bynta kaba kane ka kynhun ka shem ba kane ka Bill ka pynhiar dor ia ka rukom shynshar shnong kaba la don lypa naduh kip or hyndai ha kane ka Ri Khasi bad ha ki Lum garo baroh kawei.
Kane ka bill ka ia tyngkhuh ruh bad ka jinglong trai halor ka khyndew ka shyiap ha kaba ki trai kim lah shuh ban pyndon kam ia ka jaka jong ki katkum ka jingsngwbit ka jong ki. Ha dien ka jingiathir sani bha ki la shim ia ka rai ban kyntait noh ia kane ka bill jong ka sorkar.
Ia kane ka jingialang la pyniaid da u president jong ka seng u Bah Teibor Shanpur. Ha kane ka sngi la jan boroh ki rangbah shnong jong ka sor bad khap sor.(SP News)
