Shillong, Nailur 17: U Chairman jong ka Garo Hills State Movement Committee U Nikhman CH Marak ha ka jingpynlait khubor ka jong u mynta ka sngi u la ong ba kane ka sorkar MUA-II ka dei ban shim ia ka jingkit khlieh halor ki jingiakhih ha ri lum Garo.
Ha dien ba ka GHSMC ka la ioh ia ki jingkyrpad na baroh ki liang na ki seng sain pyrthei, ki rangbah niam ki long kmie ban wengnoh ia ka jingkhot pakhang shnong ba khlem buh por na ka liang jong ka executive committee jong ka GHSMC ja ka jingialang kaba la long mynta ka sngi kala rai ban weng naduh ka 23 tarik mynta u bnai.
U tei u nongialam jong katei ka seng u la ong ba kim don ka jingthmu ban pynthud ia ki paidbah hynrei ka dei ka jingleh jong ka sorkar kaba la pynlong ia ki ban khot ia kine ki jingiakhih. La ong ba “ Ym pat juh iohi kaba kum kane ka sorkar ka ban long alhia.
Halor ka jingmih ki seng lehnoh ha Garo Hills ka sorkar ka dei ban shim ia ka jingkitkhlieh halor ka jingmih ki seng lehnoh ha garo Hills bad ia ki kam kaba ki lehnoh la thyngian u tei u nongialam ka GHSMC.
Ha ka juh ka por na ka liang jong ka GHSMC ka dawa na ka sorkar ba ka dei ban weng noh ia u DC bad SP jong ka West Garo Hills lada ka sorkar ka kwah ban don ka jingshong suk ha ki lum Garo.(SP News)
