Shillong, Lber 12: U Lat ka jylla u Ranjit Shekhar Mooshahry mynta ka sngi u la pynsmai ia ki 11 ngut ki myntri jong ka sorkar u Dr Mukul Sangma ha kaba la kynthup lai ngut ki kynthei bad phra ngut ki rangbah.
Ki myntri hapoh kane ka sorkar jong u Dr Mukul Sangma ki long u Dr RC Laloo kum u Deputy Chief Minister, u Bah Rowell Lyngdoh, Prestone Tynsong, HDR Lyngdoh, Ampareen Lyngdoh, AL hek kine baroh ki dei ki myntri ha ka sorkar kaba rim bad la shim ba ki dei kiba u Dr Mukul u shaniah eh.
Kiwei pat kiba la ioh ban rung thymmai na ki MLA kiba rim dei tang u bah Sngewbhalang Dhar, katba kiwei ki longkiba jop ha kane ka election kaba la dep bad kita ki long u Zenith Sangma para jong u Chief Minister, U Clement Marak, ka Debora CH Marak bad ka kong Roshan Warjri.
Ia kane ka sngi la sakhi da ki heh sorkar bad ki nongialam seng sain pyrthei bad kinongkyrshan jong ka seng Congress. Ia ki kam kiba u Dr Mukul Sangma yn sa bynshet yn sa pynbna la shai ka sngi.(SP News)
