Shillong, Jymmang 24: U Genenral Secretary jong ka Achik National Volunteer Council (ANVC) U Artis S Sangma u kyntu ia baroh ki seng lehnoh kiba mih na Garo Hills ba kin wan sha ka miej jingiakren ia suk.
Haba kren ha u SP News Agency lyngba ka phone u la ong ba ka seng ANVC kaba don mynta hapdeng ka jingiakren ia suk bad ka sorkar, ka kwah ba baroh kiwei ki seng kiba mih na Garo Hills ba kin wan sha ka miet jingiakren ia suk.
Haba jubab ia ki jingkylli la kane ka jingdon bun ki kynhun lehnoh ka ktah ne em ia ka roi ka par ha kilum Garo, u la ong ba ka sorkar pdeng ka la pyni bun ki kam ba ka dei ban leh na ka bynta ki paidbah ha Garo Hills, lada ki mih man ka por ki seng lehnoh kan ktah ia ka raoi ka par ha Ri Lum Garo.
Haba ia dei pat bad ka jingiakren ia suk kaba la iaid mynta sha khmat u la ong ka dang sah mynta bad ka sorkar pdeng, na ka liang jong u la pynpaw ba shen yn sa lah ban pynbiet ia kaei kaba ki la dep ban ia kren bad u don ka jingkyrmen kin sa long kam.
Halor ki jingiakynthoh hapdeng ki para seng lehnoh kumba la mih ha ki kot khubor u la ong bay n kwah ban kynthoh ei ei ruh em, hynrei ka na ka liang jong u bad ka seng ANVC ka kyntu ia baroh ba ki dei ban wan sha ka jingiakren ia suk.(SP News)
