Shillong, Rymphang 09: Ka seng CSWO mynta ka sngi ha ka jingpynlait khubor jong ka kong Agens Kharshing kala kyntu ia ki paidbah ba kim dei ban jied ia ki MLA kiba ia khun ia ka election MDC namar ba kin nym lah ban shakri ia ki paidbah.
Ha ka juh ka por ka seng CSWO ka lap ba ki MLA kiba kwah ban ia khun ia ka election MDC ki la dei ban hiar shuki noh kum ki MLA namar na ka jingsmai ka jong ki bad na ka riti synshar jong ka Ri India kaba 190 ka kren shai ba u juh u briew yn nym lah ban long dkhot ha ki ar tylli ki iing dorbar.
Na ka liang jong ka CSWO ka kyntu ia u Lat jong ka jylla bay n tuklar ia kane ka kam ba balei u MLA ruh la shah ban ia khun ia ka election MDC namar kine baroh ar tylli ki kam la siew tulop ia ki na ka pisa paidbah.
Ka CSWO ka long ba kum ka District council hato kam lah ban iada na ka jingshah knieh jubor jong ki jaka puta jong ki riew lum na ka sorkar, ha ka jingshisha ia ka election sha District council ym dei ban pynlong da ka jingialang party hynrei ka dei ban logn kaba khlem party.(SP News)
