Shillong, Risaw 24: Ka seng jong ki khlieh nongsynshar jong ki hima ki la thoh sha u CEM jong ka KHADC ban dawa na ka District ba ka dei ban thaw noh ia ka ain ha kaba ia dei bad ki dorbar kur ban pynbeit ryntih ia ki jaid khasi kiba la don mynta haduh 3367 tylli ki jaid.
Kumba ka long mynta ka kur ka jaid ka dei kaba kongsan eh ha ka jinglong u khais khara bad ka kur ka jaid ka dei ban lum ban lang ia ki para kur na ka bynta ban teh song ia ka jinglong kawei hapdeng jong ki bad ban ia da na ka jingshah thombor ha kiwei.
Ha kane ka jingthoh na ka liang jong ka seng ka la kdew ba katkum ka para 11 jong k sixth schedule jong ka Riti synsahr jong ka Ri India la ai bor ia ka District council ba kan shna ia ka ain.
Wat la ki la don ki ain kiba la shna da ka KHADC na ka bynta ki hima hynrei haduh mynta kam pat don kata ka jingshna ain ia ki kur ki jaid khasi bad haduh mynta ym pa tlah ban batai shai ia kane ka bynta. Kane ka long kaba don kam ha kiba bun ki liang ban iada ia ka jaidbynriew.
Lada don kum katei ka ain kan iarap ban don da ka bidong ba ki kur ki jaid ki don kam ban lum ia ka dorbar kur kane ka long ban sngewthuh shai ia ka jingdon ki jaidbynriew khasi –Pnar, kane kan pynlong ruh kumno ban sngewthuh ia ka jingbat khyndewi kiba don mynta haduh khathynriew rukom.(SP News)
