Nongstoin, Jymmang 13: Ka Hynniewtrep People Social Organisation West Khasi Hills District kum kawei na ki sengbhalang hapoh jong ka thain ka sngewnguh halor ka jingkloi ban shimkhia jong u Director General (prisoner) Prem Singh ba dei peit ia ki kam phatok hapoh ka jylla ban pyndep noh ia ka District Jail kaba don ha Phodkynthei kaba jngai 2km na Nongstoin West Khasi Hills District.hynrei kat kum ka jingleit jurip jong ka Seng ka lap ba kane ka phatok kiba bun na ki ing ki la jot ki lah pei la shu ieh khongreng ki la long kum ki jaka sah ki mrad ki Blang ki Masi .
ym tang katne hynrei ka la long kum ka ktem jaka ialehkmen ialeh sngewbha ki kam kiba ktah ia ka imlang sahlang haduh kiba bun na ki paidbah nongshong shnong ki ju salia ban iaid ban ieng ha kane ka jaka .kaba ka Seng ka kwah ban tip mynta ka long na ka sorkar ha shwa ba kan pyntrei ia kane ka phatok katno ka Estimated ka Sanction bad la ka sorkar kan dang pynbha ne em ia kine ki ing kiba la jot kumto bad sa ka estimated ka sanction ka ban pyntrei sa mynta sa katno namar kum ka Seng kam kwah ban shu pynbiej shu pynbiej ban pyntrei shiphang la shna shiphang pat la sngeh lada kajia long biang sa shisien ban pynsangeh kan ktah ia ka pisa jong u paidbah bad shu bret kai bad na ka liang ka Seng ka kwah ia ka sorkar ba kan pyndep noh bad ka Seng kan nym shongklikti kan iai buddien halor kane la ka dei ban pan da ka RTI ruh.
Kumjuh na ka liang ka Seng ka sngewlyngoh ia ka sorkar ba ka mut ban weng noh ia ka Home Guard out post na Kyrshai kane ka jingthmu jong ka Sorkar ka ktah ia shongsuk ha kane ka thain kiba shaniah ha kine.kumta na ka liang ka Seng ka dawa na ka sorkar ba kan kan ai noh da ka Police Out lada ka kwah ban weng noh ia kine Home Guard khnang kan khambha ban ia ka jingdon ki Home Guard lada kam lah kam dei ban weng ia kane ka Home Guard Out post. Bad ka seng ka pyrshah jur halor jong ka jingthmu jong ka sorkar ban buh ia ka ktem ANVC (B) hapoh jong ka jong ka thain West Khasi Hills District bad ka Seng ka kyntu ia ki nongshong shnong ba kim dei ban ai jaka ia ka sorkar ban buh ia kane ka ktem.
lym kumta na ka liang ka Seng ka kyntu ia u paidbah ban kane ka la dei ka por ba phin mih shakhmat .lym kumta tang lano ngin jah ha ka jingshahthombor ha kiba kiba na bar ngi kum ka seng ba trei na ka bynta u paidbah ngi kwah ia phi iwei pa iwei ban mih shakhmat ban ai kti kamon halor kane ym dei ba ka ktah iangi ki sengbhalang hynrei ia ka jaidbynriew to tip ngi ym dei tang mangi ki sengbhalang kiba shong ha ka Bri Hynniewtrep hynrei phi baroh iwei pa iwei bad ka seng ka kyntu ba ngin ia klet ia ki jingiapher hynrei ngin ieng kawei ha ka sur jong phi ki paidbah ngi kum ka seng ngin mih kum ki paidbah ban ialeh ryngkat bad phi ban im ka pateng jongngi. pynkut na ka kyrwoh na u samla Wanteibok Lyngdoh President Hynniewtrep People social Organisation West Khasi Hills District .(SP News)
