Shillong, jymmang 01: U Secretary jong ka seng Jaintia Cement Manufactures Association (JCMA) u S K Rai ula ong ba ka kim don kano kano ka jingpyrshah ia kano kano ka seng bhalang, ka jingdon jong ki ha Jaintia Hills ka long ban trei ia ka kam khaii jong ki bad haba ka don kano kano ka jingeh ki kloi ban ia kren da ka jingiasngewthuh jingmud.
Kumba ka long mynta baroh ki kompeni kiba don ha Jaintia hills ki leh ia ki kam trei mon sngewbha jong ki ban iarap ia ki paidbah katei ka thain ha ka dur jong ka jingiarap katba shah ka kam. Ka jingkwah jong ki ka long ba ka dei ban don ka jingiajan hapdeng ki karkhna bad ki trai shnong.
Haba kren ha u SP News Agency lyngba ka phone u Rai u la ong ba ki long kiba la kloi ban weng ia ka jingujor jong ki lada ki wan da ka lynti kaba dei ban ia kren ia sngewthuh, ban pynbeit noh ia kane ka jingeh na ka liang jong ka JCMA ka la kyrpad ia u Deputy Commissioner kas East Jaintia Hills ba yn khot ia ka jingiakren ban ia pynbeit noh ia kane ka jingeh.
U ne u general secretary ka JCMA u la ong kaei kaba la pynlong ia ki ban ai da ka jingujor sha ki pulit ka long ba ha ka sngi ba ki briew kiba kam ia lade ba ki dei ki briew jong ka FKJGP kim shym la sngap ia kaei kaba ki ia kren bad ha ka jaka ban ia kren ki khang pynban ia ka jingtrei kam jong ki karkhana bad ia ki kali ba kit ia ka dewbilat, hynrei lada ka FKJGP ka kloi ban wan sha ka jingiakren ki kloi ban weng ia ka FIR.(SP News)]
