Nagpur, Jymmang 28: Ka National Council of Church jong ka Ri ka pynrem jur ia ka jingleh jong ki lehnoh Maoist ha kaba ki la shim ia 27 ngut ki mynsiem briew kaba kynthup ia ki nongialam jong ka seng Congress, ha kaba u myntri ba rim jong ka sorkar India u VC Shukla u la mynsaw jur. Naka liangjong ka NCCI ka pynrem jur ia kane.
Haka juh ka por na ka liang jong ka NCCi ka pynpaw ruh ia ka jingsngewkhia halor ka jingim jong ki jaidbynriew rit paid Adivasi kiba la shah pynshitom bein ki briew jong ka ain da kaba pyniap bad set phatokiaki ha katei ka jylla Chhattisgarh. Ha kane ka jingialeh ha katei ka jylla baroh ar ka sorkar bad ki moist ruh ki kam ba ki ialeh na ka bynta jong ki rit paid, ha kane ka jingialeh ki Advasi ki la shah ban bein.
Kumba ka long ka jingshah ban bein jong ki jaid bynriew adivasi ka long la palat ha katei kajylla , lada pyndon kam sa da kibor shipai ka jingktah kaba jur eh kan long ia ki rit paid. Naka liang jong ka NCCI ka ong ba ban wanrah ia ka jingsuk ha kane ka jaka dei ban leh da kaba jai jai kum ka seng ka kyntu ia ka sorkar ba kam dei ban pyndon kam ia ka “ Operation Green Hunt”, ha ka juh ka pork am dei ban pynksan ia ka, la ong u Dr.Hrangthan Chhungi Executive Secretary, Commission on Adivasis and Tribals, National Council of Churches in India.(SP News)
