Shillong, Risaw 18: Ka sorkar ka la iohi ha ki kot khubor ba ka seng bala niew beain da ka sorkar ka la khot ia ka pakhang shnong kaba 36 kynta ha ka 21 bad 22 tarik mynta u bnai kaba ia hap ryngkat bad ka jingwan jong u president ka Ri ha Shillong.
Ka sorkar ka la ong ba kane ka seng beain ka khot ia ki pakhang shong ha ka sngi rakhe ia ka Independent Day, Republic Day bad ha kane ka Genenral election sha ka iing dorbar thawain jong ka jylla hynrei ki paidbah ki la kyntait ia kane ka jingkhot ka jong ki ha kaba ki la ia mih paidbah ban thep ia ka vote ka jong ki.
Na ka liang jong ka sorkar ka la shimkhia bha ia kane ka jingkhot pakhang shnong kaba 36 kynta da katei ka seng beain khamtam eh ha kane ka sngi ba wan u president jong ka Ri, kaba dei ka jingwan iuh kjat kaba nyngkong ha dien ba u la shah jied ha katei ka ophis kaba don burom. Kane ka jingkhot ia ka pakhang shong ka khanglad ia ka iaid ka iieng jong ki briew bad ka ktah ia ka kamai ka jih jong ba bylla sngi.
Ka sorkar ka long ba kane ka pakhang shnong kaba 36 kynta ka long pyrshah ia ki samla pule namar ha ka 22 tarik ki 2000 ngut ki samla pule kiba la trei shitom ki ba dei ban ioh ia ka degree jong ki. Kane ka pakhang shnang ka long ka jingkhlad lad ia ki ba kin poi sha katei ka jaka.
Na ka liang jong ka sorkar ka kyntu ia ki paidbah ban ia mih paidbah ha katei ka sngi ban pdiang burom ia u president jong ka Ri . Na ka liang jong ka sorkar ruh ka la dep pynbiang lut ia ki lad jingiada ban iada ia ki paidbah jong kane ka jylla.(SP News)
