Shillong, Jymmang 06: Ka sorkar Meghalaya mynta ka sngi kala ong ba kala iohi ia ka khubor kaba la pynlait paidbah jong ka seng lehnoh HNLC lyngba ki lad pathai khubor bad lada ka sorkar kam pynlaitnoh ia u Lamphrang Kharbani nongialam ka seng HANM ka seng kan khot ia ka pakhang ophis kaba saw sngi.
Haba ia dei bad kane ka jingbyrngem jong ka seng HNLC na ka liang jong ka sorkar ha ka khubor kaba la pynlait mynta ka sngi kala kren shai ba ka ka ieng skhem halor ka nongrimb an ai jingiada ia ki paidbah ba kin shong suk shong shngian.
Na ka liang jogn ka sorkar ka kyntu ia ki paidbah ba kim dei ban sngap ia katei ka jingbyrthen jong ka seng HNLC ban pynlong ia ka pakhang ophis ha ka 8 bad 9 tarik bad kan long biang ha ka 12 bad 13 tarik. La kuntu ia ki paidbah ba ki dei ban ia mih ban ia leit sha la ki kam ki jam kumba juh long kan ka sngi.
Na ka liang jong ka sorkar ka pynrem jur ia kane ka jingkhot pakhang ophis jong ka seng HNLC, la ong ba ki paidbah kim dei ban tieng ia kane ka jingshah pyntieng khoh tympan jong katei ka seng namar ka dei ka kamram jong ka sorkar ban ai ka jingiada ia ki paidbah.
Sa shisien ka sorkar ka kyntu ia ki paidbah ba ki dei ban kyntait mardor ia katei ka jingkhot jong katei ka seng lehnoh kaba long pyrshah ia ka imlang sah lang bad na ka liang jong ka sorkar kala pynbiang ia ki jingiada bad ki bor ba dei peit kin leh ia kaba don kam.(SP News)
