Shillong, Nailar 28: Ka sorkar Meghalaya mynta ka sngi ka la ong ba ka la ioh jingtip ba ki don ki nonghikai hapoh ka kynhun jong ka JACATCM kiba la pynbna ia shibun kijingiakhih ka jong ki ban pynpaw pyrshah halor ka jingkyntait jong ka sorkar ban ia kynduh ia ki nongialam jong ka seng.
Haba ia dei bad katei ka phang na ka liang jong ka sorkar ka la iathuh ba la khot ia kren ia ki ar sin ba kin ia kynduh ia u commissioner bad Secretary, jong ka tnad pule jong ka sorkar Meghalaya, ia u Director jong ka higher bad technical education lem ia u director jong ki school education bad literacy ban ia pynbeit ia ka jingeh ka jong ki ban lah ban weng ia ki.
Hynrei, wat ka la sorkar ka la khot ia ki ar sien ha ka 16.8.2013 bad 23.8.2013, na ka liang jong katei ka seng kam kwah ban ia kynduh ia kitei ki heh sorkar, hynrei ki la shim ia la lynti jingiakhih ban pan ia ka jingdawa ka jong ki.
Ka nongrim kaba ka sorkar ka don ka long na ka bynta ka jingbhalang na ka bynta ki nonghikai bad na ka bynta ki samla pule baroh bad ban kyntiew ia ka pule puthi ha ka jylla.
Kumta na ka liang jong ka sorkar ka kyntu ia ka JACATCM ba kin kiar na ki jingiakhih namar kan ktah ia ki kam hikai bad ia ki samla pule. Ia ki jingdawa kiba ka sorkar ka lah ban leh kan sa peit bniah ban shim ia ki lad ki lynti katba lah la ong ka khubor sorkar.(SP News)
