Shillong, Nohprah 22: Ki bor ba dei peit ia ka District Administration ki la ong ba baroh la iatip ba ka seng lehnoh HNLC ka la khot ia ka pakhang shnong la shai ka sngi kaban long 12 kynta bad ia kane ka jingleh jong kane ka seng la pyrshah da baroh ki seng niam, ka long kaei kaei kaba sngewsih ban iohi ba ia ka pakhang shnong la khot ha kum kane ka por.
Kane ka pakhang shnong kan ktah ia ki briew jong ka jylla hi kiba im da kaba bylla sngi bad ka jingduh ha ka sngi sngi kan long ka jingduh kaba khraw ia kiba duk ba rangli khamtam ha kane ka por leh kmen khristmas bad snem thymmai.
Na ka liang jong ki bor ba dei peit ia ka District Administration, la ong ba ka dei ka kamram jong ka ban pynneh ia ka shong suk shong sain, la kyntu ia baroh ki nongshong dukan ki iew kihat bad ki jaka khaii pateng ba kin plie la shai ka sngi bad ba kin nym sngap ia kane ka jingkhot pakhang shnong ka seng lehnoh HNLC.
Na ka liang jong ki bor sorkar kin buh ia ki pulit la shai ka sngib an pahara ha baroh kawei ka nognbah Shillong ban peit ba kan nym jia kano kano ka jingjia ba sngewsih, ha ka juh ka por ka District Adminstration ka ai khublei ia ki paidbah ka Khristmas ba sukb a kem bad snem thymmai 2014 ba phuh baphing ia baroh.(SP News)
