Shillong, Naitung 29: Ka kynhun jong ki seng bhalang bapher bapher ki kyrpad ia ki paidbah ba kin ia poi sha ka jingialang paidbah ka long ha Madan Student ha ka shitarik jongu Nailar ban pyrshah ia ka jingthmu jong ka sorkar ban shim jaka shuh jong ka sorkar na ka bynta ka New Shillong Township.
Ka kong Anglela Rangnad kawei na ki nongialam ha kaba ia dei bad kane ka jingpyrshah ia kane ka jingthmu jong ka sorkar haba kren ha u SP News Agency “ ngi da kyrpad ia ki paidbah bakin ia poi sha katei ka jingialang kaba kin pynlong ha Madan student”
Kane ka jingialang paidbah ka long ban pynsngewthuh ia ki paidbah ia ki kam buit poh jong ka sorkar ban klun ia ki jaka jong ki paidbah ha ka kyrteng jong ka New Shillong Township da kaba pynkhien ia ki kyndon ain baroh.
Ban pynkhlain ia katei ka jingialang ka ban long ha Madan Student ki seng bhalang ki la pynlong ia ka jingialang mynta ka sngi ha Siejiong bad ki briew katei ka thain kaban ktah beit iaki paidbah nongshong shnong katei ka jaka na kane ka jingkwah shimjaka ka sorkar.(SP News)
