Shillong, Naiwieng 25: Ka kynhun ki liang pyrshah ha ka iing dorbar thawain ka jylla mynta ka sngi ki la leit ban ia kynduh ia u Lat ka jylla u Dr K K paul ban ia kren bad u halor ka jinglong jingman jong ka shong suk shongsain ha kane ka jylla. Ha kane ka jingiakynduh ki la ai da ka dorkhas ia kaba la soi da u Dr Donkupar Roy nongialam ka liang pyrshah bad u James K Sangma Secretary jong ka MPF.
Ha kane ka dorkhas na ka liang jong ki liang pyrshah ki la pynpaw ia ka jingsngewkhia ka jong ha kaba ia dei bad ka jingkhirasongki kam lehnoh ha Garo Hills bad kajingbym don ia ka shong suk shongsain ha kane ka jylla na ka daw jong ka jingiakhih ki seng bhalang ba dawa ban pyntrei kam ia ka ILP ha kane ka jylla.
Ha kane ka jingiakynduh ia u Lat ka jylla nalor u Dr Donkupar Roy ki MLA kiba la ia don lang ki long u, Clifford Marak, Saleng Sangma, Jemirio Mawthoh, James Sangma bad u bah Paul Lyngdoh.
Ha kane ka jingiakynduh na ka liang jong u Lat ka jylla u la shah skhor ia ka jingkren jong ki MLA na kaliang pyrshah bad ha ka juh ka por u la kyntu ia ki ba kimd ei ban kyrshan ia ki jingkhot pakhang shnong ne ki jingpakhang surok kiba long pyrshah ia ka ain.
Na ka liang jong u Lat ruh ha kane ka jingiakynduh ym shym la ai kano kano ka jingkular ia ki MLA jong ka liang pyrshah ha ka iing dorbar thawain jong ka jylla namar ba ioh don ba sngewthuh bakla.(SP News)
