Shillong, Naiwieng 08: Ka Hima Khyriem ka la kyrpad ia ki seng bhlang, KSU, HNYF, FKJGP, JSU, GSU, JYF, AJYWO, CSWO, KWADA, AIGO, RBYF, HANM, bad ki Nongialam jong kiwei kiwei ki Sengbhalang ba kin sngewbha ban pynlait ia ki jingiakhih ha ka shad Nongkrem.
ka Dorbar U Syiem Khyrim, ban kyntu, kyrpad bad ban pyntip ia phi ki nongialam seng bhalang ba ka niam ka rukom ka jingpynkhreh ka Shad Pomblang, Hima Khyrim, ka la sdang mynta la palat lai bnai bad kiba bun ki kam kiba kynthup naduh ki Dorbar Shnong bad Dorbar Raid ka la nang iaid shakhmat ha kaba iadei bad ka Shad Pomblang Hima Khyrim naduh 9 tarik November 2013 haduh 16 tarik November 2013. Ka shad pomblang, Hima Khyrim, ha Smit, kan long ha ka 13 bad 14 November 2013.
Kumta la kyrpad ia ka jingiatreilang ka jong phi ban sngewbha ban ia pyrkhat lem ha kaba iadei bad kane ka phang khnang ba ka Hima Khyrim kin ioh pyndep ia baroh ki jingdonkam ha ka jingpynkhreh khlem kano kano ka jingeh lane ka jingthut.
Ka Dorbar Syiem U Khyrim, ki khot sngewbha ia phi ha ryngkat ki dkhot jong phi baroh ban ia don lang ha kitei ki sngi 13 bad 14 tarik November 2013 ha Smit.(SP News)
