Shillong Naitung 28: U myntri rangbah ka jylla u Dr Mukul Sangma u la buh ka jingkyrpad ia ki paidbah jong ka jylla Meghalaya ba kin sngewbha ban vote ia ka kong Juliana Kurbah ha ka jingiakop shad ‘Dance India Dance – Super Moms kaba la pynlong da ka Zee TV bad la pyni paidbah ha ka sngi sait Jian bad sngi u blei.
U myntri rangbah ha ka jingkyrpad ka jong u u la ong ba kum ki paidbah nongshong shnong jong ka jylla ngi dang sah dien ha kiba bun ki liang, kum ka jingkyrshan ia kane ka long kmie na ka liang jong u myntri rangbah u la kyntu ia ki paidbah ban vote ia ka na ka bynta ka burom jong ka jylla.
Da ka jingkyrshan jong ki paidbah na kane ka u myntri rangbah u kyrmen ba kan sa poi sha ka thong jong ka jingjop wat ha pdeng ki jingeh kiba bun ba kane ka long kmie ka ia kynduh, kaba kongsan ka long ka jingkut jingmud ban poi sha ka thong. Sngewbha vote ia ka kong Juliana bad vote ha une u number da kaba shi SMS ‘juli’ ha u 57575 ka voten kan long haduh 8 baje la shai mynstep.(SP News)
