Kyrshan ka Dorbar Shnong Madur ia ka jingiakhih ki 10 seng halor ka ILP

Shillong, Nailur Ka Dorbar Shnong Madur, kum kawei na ki shnong ha west jaintia hills ka pynpaw ia ka jingsngewkhia halor ka jinglong kuman bad kyllut u Myntri Rangbah jong ka Jylla halor ka jingdawa jong ki 10 sengbhalang ban pyntreikam noh mardor ia ka ILP,

Ka Dorbar Shnong  Madur ha ka kyrwoh ba la phah da u Rangbah Shnong bad Secretary
Shnong ki pynpaw ba ka shnong ka ai jingkyrshan pura ia kane ka jingiakhih ki 10 seng bapher bapher kiba kynthup ia ka KSU,JSU,GSU,FKJGP ,NYF,RBYF,JYF,CSWO,KWWADA,AIGU,AYWO bad kiwei kiwei ki seng bhalang ban dawa ban pyntreikam noh ia ka Inner Line Permit (ILP) ha ka jylla khnang ban lah ban teh lakam ia ka jingrung kyrthep ki bar jylla, ki mynder ri sha kane ka jylla Meghalaya.

Ka DS ka kyntu ia ka sorkar hapoh ka jingialam jong u Dr.Mukul Sangma (CM) ba dei ban pynsynjor kum u Kpa ia ka jingdawa ki khun khnang ba ka jingshong suk shongsain kan wan biang ha ka Jylla, lym kumta kane kan ialam sha ka ba eh shuh shuh ia ka shynshar ka khaddar lada shu shong kyllut beit khlem da sngap ia ka jingdawa jong ki paitbah ban khanglad ia ka jingrung be ain ki bar jylla bad Mynder ri shapoh ka jylla.

Ka jingkitkhlieh na ka bynta ka iap ka im jong ki para doh para snam jong ka ri bad ka jaitbynriew, kan leit beit ha ka tyrpeng jong u myntri rangbah lada ka jingiakhih jong ki sengbhalang kan nangjur nangne shakhmat haba ngi peit bad bishar ia ka rukom long jong ka sorkar.

Ha kajuh ka por ka Dorbar Shnong ka ai jingkyrshan pura ia ka ne ka jingiakhih ki sengbhalang bapher bapher kiba treikam hapoh ka Jylla kiba la ialeh shitom ban pynbor ia ka sorkar ban pynsngewthuh ia ka jingdonkam kyrkieh ka ILP kaba dei ka lad iada ia ki rit pait na ka jingwan rung beain ki heh pait sha ka jylla.(SP News)