Jowai, Nailar 30: Halor ka jingbym seisoh ka jingiakren ki 10 seng bad ka Sorkar jylla naka bynta ban pyntreikam iaka ILP hapoh ka jylla jong ngi, ka Jaintia Peoples Movement Forum bad ka Hynniewtrep Achick National Movement Jaintia hills District ki la rai ban ai jingkyrshan ba pura halor ka jingiakhih ki 10 seng ka ban sdang shwa na ka pakhang shnong kaba12 kynta ha ka 2 tarik Nailur.
Ka jinglong mutlop bad thiah sngi ki nongialam kala pynlong ia ki seng bhalang bania khih paidbah bad ka jingiakhih ka long ban nym shong kli kti shuh tad haduh baka sorkar kan pyntrei kam iaka ILP kaba long ka ain ban iada ia ki rit paid. Shuh shuh haba phai haki ba bun ki liang ka sorkar kam shym la patiaw iaki jingeh jong ka jylla.
Ka sorkar kam shymla leh eiei halor ka jingwanrung kyrthep ki briew kiba nabarkumta kala wan rah jingeh kaba khraw khamtam haka liang ka kyrduh kam kyrduh jam. Te halor kine ki jingeh jong u paidbah ka seng J.P.M.F bad ka HANM ki la pynrem jur iaka sorkar u Dr. Mukul Sangma (CM) bad ia baroh ki 60 phew ngut ki MLA ba kim shymlatreh ban pyntreikam iaka ain ILP wat laka long na ka bynta ka jingbha jingmiat jong u trai ri trai muluk.
Haka jingshisha ka sorkar jylla kala dei ban bishar bniah shwa ia kano kano ka ain la ka dei ban pdiang ne kyntait naka bynta ka jing myntoi jong u paidbah. La pynkut ia ka kyrwoh na u nong ai ktien U Ma. Baitlang Pohsngap President J.P.M.F. Jaintia Hills District.(SP News)
