Shillong, Naiwieng 02: Ka North Eastern Council (NEC) ka ai jingkyrshan ia ki samla pule jong ka thain Shatei Lam Mihngi ban kin lah ban bteng ia ki jingpule jong ki ha ki kyrdan kiba kham shaneng bad Technical Courses. Kine ki jingpule ki dei ban long kiba la nang kham pyniar shuh shuh. Ha kaba ia dei bad kane, ka NEC ka la dep pyllait ia ka pisa kaba haduh T. 9. 19 klur tyngka ban kyrshan pisa ia ki samla pule ka thain Shatei Lam Mihngi na ka bynta ka snem 2011–12.
Ia katei ka pisa la bhah hala ki jong ki jong ki jylla jong ka thain shatei lam mih ngi jong ka Ri India, na ka bynta ka Assam ka long 1.9 klur tyngka, Manipur 2.2 klur tyngka, Mizoram 1. 52 klur bad kumta ter ter katkum ka jingdon ki samla pule jong ki jylla.
Nalor kane, ka don ruh kawei ka Pilot Project ban kyrshan ia ki samla pule kiba stad, khynnah khynthei bad samla pule college bad skul kiba wan na ki longing longsem kiba duk bakyrduh. Ha kaba ia dei bad kane, la ai jingkyrshan ban pule ia 3 ngut ki samla pule na kawei kawei ka jylla bad 2 ngut na ka jylla Sikkim ban pule ka Assam Rifles Assam Rifles Public School, Laitkor, Shillong na ka bynta ka snem 2011-12 ha ka kyrdan Class VI. La dep jied ban kyrshan pule haduh 23 ngut ki samla pule na ka snem jingpule 2012-13.(SP News)
