Shillong, Lber 14: U Chief Executive Member(CEM), jong ka Khasi Hills Autonomous District Council (KHADC) u Bah Ardent Miller Basaiawmoit mynta ka sngi u la bate kam ia ki Executive Members jong u ha kaba u la ialeh katba lah ban pynbiang ia ki party kiba ia kyrshan lang ia ka Executive Committee.
Na ka liang jong u CEM, u la bat ha lade ia ka tand pla pisa, ka tand Khyndew, ka tand Khlaw bad General Administration, ka thungkam, Posting bad Transfer bad kiwei ki kam kiba khlem pat ai ha kiwei ki EM.
U Deputy Chief Executive members u ba dei na ka seng United Democratic Party (UDP) u Bah Teinwell Dkhar, u la ioh ban bat ia ka tand Development, Planning, bad ka Arts and Cultural. Katba na ka liang jong ka KHNAM u Bah Latiplang Kharjongor, u ioh ia ka Trade and Enforcement.
Kiwei ki executive Members u Bah K Phlasting Pangniang na ka HSPDP u la ioh ia ka tand Elaka Adminstration bad Revenue collection, u Bah James Ban Basaiawmoit jong ka KHNAM, u ioh ia ka Labour License bad Resource mobilization, u Bah L Goodleaderson Nongsiej jong ka HSPDP, u ioh ia ka Transport, Information bad Technology bad ka Town Committee.
Ka kong Grace M Kharpuri jong ka HSPDP, ka ioh ia ka Taxation bad Education, u Bah Process T Sawkmie jong ka KHNAM, u ioh ia ka Water resources bad Fisheries, u Bah Hadrian Lyngdoh jong ka UDP, u ioh ia ka Council Building bad Public Health and Sanitation, u Bah Donkupar Sumer jong ka UDP, u ioh ia ka Market, Mines bad Minerals bad Youth Affair ka kong Rona Khymdeit jong ka UDP, ka ioh ia ka Law bad Legal matters bad Marriage bad Divorce.(SP News)
