Tura, Naiwieng 19: Ka jingshim jaka na ka bynta ka Baljek Ai
rport ha Tura, ka pyndep da ka jingsiew ia ka pisa kaba dei ka bai khyndew na ka bynta ban pynheh ia kane ka kad liengsuin. Da kane ka jingpyndep ia kane ka jingsiew mynta ka Garo Hills kala don ha ka map ba ka jingiaid lyngba na suin ka la hajan.
U Deputy Commissioner haba ai ia ka cheuqe sha ki trai khyndew u la ong ba kane ka jaka kaba dang shim na ka bynta ban pynheh ia katei ka kad liengsuin ka long 58 Akar. Kane ka pisa baroh kala kot sha ka T2,58,60,688 bad kine ki nongioh ia kane ka pisa ka long sha ki sawphew wei ngut ki trai khyndew.
U Bakshi u la pyntip ba u la don ha ka jingialang bad ka Airport Authority jong ka Ri India lem bad ka Bureau jong ka Civil Aviation ha Janpath Bhawan, New Delhi, ha u Naitung mynta u snem na ka bynta ban pynbit pynbiang ia ki jingdon kam na ka bynta kane ka kad liengsuin.
Shuwa katei ka jingialang kala don ka jingleit jurip ia katei ka jaka ha ka 5 bad 6 tarik jong u bnai Jylliew ban peit ia kaei kaba don kam ban leh ha katei ka jaka khang ban pynsted ia ka jingtrei na ka bynta kane ka kad liengsuin kaba don ha Garo Hills.
Mynta ka don ka jingkyrmen ba ynda la dep kane ka kad liengsuin kan pynstep ha ka liet ka wan la ka long sha Kolkata lane sha Guwahti, bad kumjuh sha Shillong bad kaba kongsan eh ka long ba ia ki marrep kane ka jylla lah ban phah sha kiwei ki jylla ha ka por kaba kham sted.(SP News)
