Jowai, Jymmang 25: Ka jingiapynibor hapdeng ka company Star Cement bad ka seng FKJGP Jaintia Hills Unit kaba la poi haduh ban da hap ban phah tuklar ha ki nor jong ka District Adminstration namar ba ka la don ka jingiapynibor.
Kane ka jingiapynibor ka la neh la kumba shi bnai ei ei, hynrei ha dien ka jingiakren baroh ar liang ki la ia mynjur ban ia poinoh sha ka jingiasngewthuh jingmud bad ban ia klet noh ia kaei kaba la jia ong ki thymmei khubor.
Ha dien ba ka la wan ka jingiasngewthuh jingmud la ong ba ia kane ka jingiasuk la pyntip sha u Deputy Commissioner jong ka East Jaintia Hills District ba ki la suk na baroh ar liang.(SP News)
