Shillong, Nailur 16: ka jingiakren halor ka hok jong ki khynnah bad ki kam pynroi ha kaba ia dei bad ki ka long ka phang kaba la ia kren la bun snem mynta ha kaba la shna ruh ia ki ain kiba ia dei bad ki khynnah.
Ka tand Social Welfare Department mynta ka sngi ka la pynlong ia ka jingiakren halor kane ka bynta mynta ka sngi ha Yojana Bhavan Auditorium, Shillong. Ia kane ka jingiakren la plie da ka myntri ba dei peit ia ka tane ka tnad sorkar ka Debora C. Marak.
Ha ka jingkren jong ka myntri ka la ong ba na ka liang jong ka sorkar ka la ialeh katba lah ban peitngor ha kaba ia dei bad ka hok jong ki khynnah bad kumno ban pynbiang ia ki ba kin heh kin san ha ki liang baroh bad ka la don ruh ka jingwad bniah ha kaba ia dei bad kane ka bynta.
Ka myntri ka la ong ba ki don shibun ki skhim kiba ia dei ha kaba ia dei bad ki kam pynroi ha kaba ia dei bad ki khynnah lyngba ka ICDS bad ka ICPS na ka bynta ka koit ka khiah ka jong ki khynnah ha ka jylla.
Na ka liang jong ka myntri ka kyntu ia ki ophisar ba kin trei shitom bad kham bha shuh shuh ban pynbha na ka bynta jong ki ba kin lait na ka jingshah the shah khum ha ka jingduk jingkyrduh la ong ka myntri, Marak.
Na ka liang jong ka myntri ka la ong ba kaei kaba mih na kane ka jingialang kan long kaba bha na ka bynta jong ki khynnah bad ka sorkar ka long kaba la kloi ban leh ia kaei kaei kaba dei na ka bynta jong ki bad ban ai jingiada ia ki.(SP News)
