Jowai, Jymmang 20: Hadien ka jingeh kaba lahap ban shah la bun bun snem bha na ka daw ka jingbym juh biang ka bording Electrict khamtam naka jingrit palat (Dim) ka bording haka shnong Iooksi,hynrei mynta daka jingshimkhia ki nongialam shnong ka Shnong Iooksi hapoh ka jingialam u Secretary Shnong u Ma Histokrist Pachiang bad u Rangbah Shnong u Ma Monbait Tyngkan ka shnong ka la lah ban ioh iaka bording kaba shai bad phyrnai bha.
Kane ka jingioh ka shnong iaka bording Electrict kaba shai kadei hadien ba na ka liang ki nongialam ka shnong kila shimkhia ban leit ud bad ujor sha ki bor badei peit jong ka tnad sam bording kaba don ha Khliehriat East Jaintia Hills District.
Hadien ka jingkyrpad da ki nongialam shnong, naka liang u Assistant Executive Engineer ka MeECL u Bah J. lyngwa ruh ula shimkhia mar mar ban pyntreikam(charge) ia uwei u Transformer ba la dep shna la bun bun snem bha khlem pyntrei kam ne khlem pynwan bording(Charge) sha utei u Transformer naduh bala dep shna/pynieng.
‘Kane ka jingshimkhia utei u Sahep ban pyntreikam ia utei u Transformer kala lah ban pynbiang iaka jingduna bording ka Shnong’ la ong u Secretaary Shnong ka Shnong Iooksi u Ma H.Pachiang.
Shuh shuh na ka liang ki nongialam Shnong kila kyntu ruh ia utei u Sahep MeECL ban buh sa uwei u Transformer haka Shnong khnang ba un lah ban pynbiang/pyndap iaka jingdonkam bording ka shnong baroh kawei, namar kumba ka long mynta utei u Transformer u hap ban kit ia palat 170 tylli ki longiing.
Ha kajuh ka por ka Shnong ka ai khublei ia u Sahep J.Lyngwa AEE Distribution Division MeECL iaka jingsngap bad jingshimkhia jong u iaka jingkyrpad ka Shnong bad naka liang ka shnong ka kular ruh ban ai ka jingiatreilang bad ka Office MeECL naka bynta ka jingbha ka shnong ka thaw la pynkut ka kyrwoh na u Ma Histokrist Pachiang Secretary Synonymous Iooksi.(SP News)
