Shillong, Lber 13: U lat jong ka jylla u Dr K K paul mynta ka sngi u la ai ia ka jingmynjur ka jong u ia ki kyrteng jong ki Executive Members hapoh jong ka Khasi Hills Autonomous District Council (KHADC) bad la sngewthuh ba la shai ka sngi ynphah sha KHADC na ka DCA.
Haba kren ha u SP News Agency u Chief Execytive Members jong ka KHADC u Bah Ardent Miller Basaiawmoit u la ong ba katkum ka jingtip kaba u la ioh la sngewthuh ba na ka liang jong u Lat ka jylla u la ai ka ka jingmynjur ka jong u mynta ka sngi. Na ka liang jong u CEM u la ong bal eh se la shai ka sngi ki la lah ban ioh.
Kumba ka long mynta na ki MDC kiba la shah jied kum ki Exectuive Members kila leit ban shong ha ki kamra trei kam ka jong ki khlem pat da ioh ia ka ki kam kaba kin trei. Haduh mynta wat ki para MDC ruh kim pat ioh jingtip kaei ka kam kaba ki la shah ban bynshed.(SP News)
