Shillong Iaiong 22: Ha dien ka jingiatan tyllai kaba la bunbun bnai bun snem ka Medical Council jong ka Ri India kala ai ia ka jingithuh ia ka skul pule doctor North Eastern Indira Gandhi Regional Institute of Health and Medical Sciences (NEIGRIHMS) ha kine ki sngi. Ia kane ka jingithuh la pah da ka shithi sha u Directr jong kane ka skul.
Naka liang jong u Dirctor u AG.Ahanger ula pynshisha ba u la ioh pdiang ia kane ka jingithuh jong ka MCI da ka jingthoh ba ki samla kiba pule doctor ha kane ka jaka kim dei shuh basn dang don ka jingartaien.
Ha ka juh ka por na ka liang jong u Direictor u la ong ba nang ne sha khmat kane ka jaka pule kan dang ia kynduh iaki jingeh ha kaba pyniaid ia kane ka jingpule doctor bad ka jingeh kaba ha khmat eh ka dei ka jaka ban tei ia ki iing ki sem ban sah ki nongtrei bad ki nonghikai.
Ha ka juh ka por ka jingeh ban iohi ia ki nonghikai kiba biang ka long ka jingeh iaki jaka pule doctor ha kane ka ri baroh kawei bad kane ka long kum juh ia kane ka skul, hynrei kumba ka long mynta kane ka jaka pule ka dei ka ba bha tam na pdeng ki jaka pule kiba don ha kane ka ri India.(SP News)
