Guwahati Iaiong 29: Ka seng Minority Welfare Society jong ka jylla Assam kaba dei na ki bynta jong ka Baral Vally kala jied biang ia u Mukhtar Hussain Ahmed Choudhury, kum u president ba un long u nongialam jong ki na ka bynta kine ki lai snem kiban dang wan, ia kane ka jingjied la pynlong ha Guwahahti ha ka jingialang ba shisien shisnem kaba 17th jong kane ka seng.
Ka don jong kane ka seng ka long ban peit ia ka khia ka shong jong ki rit paid ha ka jylla Assam, ha kane ka jingialang la pynkup burom ruh ia u samla Arif Ahmed Choudhury, u bala pass ia ka Assam Judicial Service Examination bad ia ka Assam Civil Service Examination. Ka jingpynkup burom kaba kyrpang ka leit sha ka Sharmin Choudhury, kaba la long ka kynthei kaba nyngkong na ka jaid jong ki ban ioh pule ha ka Indian Institute of Management (IIM), Shillong.
Haka kane ka jingialang la pynsngew ruh ba mynta ki la ia bun haka jingdon ki tnum iing ha kaba ki la kot sha ka 745 tylli ki long iing, kum ka seng ka la ai jingiarap san lak sha ki khynnah skul kiba la mad ia ki jingeh ha ka ka snem ba la dep hapoh jong ka BATC.(SP News)
