Tura, Nailur 11: Ki dkhot jong ka kynhun dawa jylla Garo la ka jong ha ka sngi baa r ki la leit ban tur sha ophis jong u Deputy Commissioner jong ka West Garo Hills, ha kaba ki la ktah kti wat ia ki kynthei kiba trei ha kane ka ophis.
Haba kren ha u SP news Agency u Pravin Bakshi DC jong ka Tura u la ong ba ha ka sngi ba ar ka la don ka jingiakhih na ka kynhun dawa jylla Garo ha kaba palat ia ka shispah ngut ki la rung ha ophis bad ktah kti wat ia ki kynthei kiba dang trei kam.
Mynta ka sngi ki pulit kila kem ia ki 13 ngut ki nongialam jong kane ka jingiakhih bad la phah ia ki sha ka Judicial custody. Kaba phylla ka long ba wat ki khynnah skul ruh ki ia shim bynta lang ha kane ka jingiakhih.
Kane ka jingleh ka dei kaba la da thmu khnang bad ka don ka jingthmu ban leh ia kaba sinew. U DC u la kren shai kdar ba dalei lei yn nym ai lad ba kum kine ki jingjia kin wanrah ia ka jingiasngepher jaid kynja.
Ha kane ka jingiakhih na ka bynta ban dawa ia ka jylla Garo kawei ka kynthei kaba la wan na Mumbai sha kane ka sor Tura ka la shah ktah kti ha ki briew kiba pynlong ia kane ka jingiakhih.(SP News)
