Shillong, Naiaiwieng 17: Ka la pynkyndit ia baroh ha kaba ki pulit ki la kem ia lai ngut ki pulit kiba la don kti ha ki kam lute ha ka surok bah Shillong By-pass dang shen ha jan ka shnong Mawrengkneng. Kine ki laingut kiba la shah kem ki kyntup ia u sub inspector Sudarshan Sangma, constable Claipson M Marak na ka tand MPRO operator bad u constable Basant Lama.
Ia kine baroh lai ngut la rah sha iing bisahr bad ka iing bihsar ka la ai por san sngi ia ki puolit ban tohkit pyrshah ia u, la ong u SP Jong ka East Khasi Hills. Ia kine ki lai ngut la kem da ki pulit kiba la tip kyrteng kum ka kynhun Shillong Special police cell.
Kine ki lai ngut ki pulit kiba la shah kem ki long kiba la shah kynnoh ba ki don kti ha kaba lute ia ka trok kaba don ia u number AS-01-EC-0515 kaba kit ia ki koper kaba shnongdor haduh T.20.10 lak.
U Bah Kharkhrang u la ong ba mynta u bnai ha ka 6 tarik kumba 150 byrni ki Non-Ferous scrap, kiba kynthup 51 byrni u copper, 34 byrni brass,bad 60 byrni allumunium kine baroh la ong ba dei ban phah sha Silchar , hynrei la ong ba ki nonglute kiba la pyndon kam da ka Swift kila lute na kane ka trok bad ia ka kali la pynphai sha Shillong By-Pass.
Na ka liang jong ki pulit ki la kem ia u nongniah katei ka trok ban pynlong ia ka jingtohkit bad ha dien ba la tohkit la lap ia katei ka kali Swieft ba ka dei ka jong u u pulit SI. Dei halor kane ka jingiathuh jong u Deep Kumar Nath ba ki pulit kila ioh ban kem ia kine ki nonglute kiba dei ki pulit hi.(SP News)
