Shillong, Nohprah 14: U Superintendent jong ki pulit jong ka East Khasi Hills u Bah M Kharkrang mynta ka sngi u la pynmih ia ka jingpynbna paidbah ba namar ba ka don ka jingpynmareh ia ki samla ha katei ka thain ia kaba la tip kum ka Physical Efficiency Test(PET) kaba long 10 km kaba la pynbeit da ka MPSC na ka bynta ki samla kiba ia khun ia ka exam MPS.
Kane ka jingkhang ban iaid ki kali heh ha kane ka jaka kan long na Mawdiangdiang sha jan ophis jong ka Border Wing Home Guard haduh ka shnong Tynring kaba jngai kumba 5 km, kane ka jingkhang kan long naduh ka 17 th tarik haduh ka 21 tarik.
Ha ka juh ka por na ka liang jong ki pulit ki la ong ba ia ki bus kiba kit ia ki nongleit nongwan ha katei ka thain la shah ba kin iaid. Ia kane la leh na ka bynta ka jingshngian jong ki samla kiba ia mareh ha katei ka jaka. La kyrpad ia ki paidbah ba kin nym sngew ei ei na ka bynta kane.(SP News)
