Shillong, nailur 16: Ki bor ba dei peit ia ka District Adminstration mynta ka sngi ki la pynmih ia ka hukum ba la khang pyrshah ban pynlong ia ki jingiakhih ban shah thngan, ban pynlong jingialang paidbah, pakhang surok miet bad ka Bandh.
Na ka liang jong u Deputy Commissioner jong ka East Khasi Hills u la pynjari ia ka section 144 CrPC ha baroh kawei ka District East Khasi Hills ha kaba la khang pyrshah ban ialum briew palat ia ka san ngut.
La khang pyrshah ia ki briew ba kimd ei ban pynthud ia la leit ka wan jong ki kali kiba iaid sharum shaneng bad ban rah ia ki tiar pynmynsaw. Haba ia dei bad kane la pynlait pat ki bor shipai bad ia ki heh sorkar kiba don ha ka kam.
Ia kane ka hukum la pynmih na ka daw jong ka jinglong ka shnong suk shongshngian ha kane ka District. Lada don kano ka jingpynthud ia ki riew paidbah bad ban nym mih kano kano ka jingialeh kaba mar kynti hapdeng ki para jaid bynriew bad kane ka ain kan trei kam noh mardor.(SP News)
