Jowai, Naiwieng 15: Ka iing dorbar jong ka Jaintia Hills Autonomous District Council (JHADC) mynta ka sngi ka la pass ia ka District Council constituencies Delimitation, Bill 2013.
U Chief Executive Members (CEM) jong ka JHADC u la iathuh ha u SP News Agency ba ka iing dorbar mynta ka sngi ka la pass ia katei ka Bill bad yn phah noh ia ka sha ka sorkar ban pdiang khnang ba ha ka election ban wan lah ban pynlong katkum ki constituency kiba thymmai.
Na ka liang jong u CEM u la iathuh ruh ba ka iing dorbar mynta ka sngi ka la pass ia ka resolution ban kyntu ia ka sorkar ba ka dei ban ai biang sha ka District Council ban ai ia ka Schedule Tribe Certificate sha ki riewlum ia kaba la shim noh mynta da ka sorkar.
Ha dien ba la shim noh na ki District Council ka sorkar ka la aiti ia kane ka kam sha ki Deputy Commissioner jong ki District. Na ka liang jong ka JHADC ka seng ba ia kane ka kam dei ban leh da ka District Council.
Ia kane ka rai jong ka iing dorbar na ka liang jong ka JHADC kan sa phah sha ka sorkar ba kan pynphai biang sha ka District Council ia ka jingai ia ka ST Certficate sha ki riewlum. (SP News)
